Stuff Potato Rice Balls

   

     मी नेहमीच एखादा नवीन पदार्थ बनवताना त्यामध्ये एखादा ट्विस्ट काही करता येईल का हे पाहत असते. आज मी जो मधल्या वेळेत चहासोबत खाता येईल असा पदार्थ बनवणार आहे. तो म्हणजे 'स्टफ पोटॅटो राईस बॉल्स', तसे तुम्ही कधी ही खाऊ शकता. हा पदार्थ मी पहिला केला तेव्हा फक्त 'राईस बॉल' केला होता, नंतर त्यामध्ये थोडं ट्विस्ट म्हणजे, घरी बटाट्याची भाजी शिल्लक होती त्यातून सुचलेला प्रयत्न, अगदी झकास झाला. तुम्ही देखील करून पहा 'स्टफ पोटॅटो राईस बॉल्स'......

स्टफ पोटॅटो राईस बॉल्स :

साहित्य :

तांदळाचे पीठ १ वाटी, तयार बटाट्याची भाजी, १/२ चमचा जीरे, फोडणी साठी मोहरी, कडीपत्ता, २ हिरव्या मिरच्या, १/२ लिंबाचा रस, १ चमचा तेल, कोथिंबीर 

कृती :

१) प्रथम तांदळाचे पीठ गरम पाण्यात घट्ट मळून घेणे. (मोदकाला करतो तसे, व्हिडिओ मध्ये दाखवल्या प्रमाणे) 

२) पीठ थोडं थंड झाल्यावर त्याची मोदकासारखी पारी करून त्यामध्ये बटाट्याची भाजी घालावी व गोल बॉल्स करून घ्यावे. 

३) या पद्धतीने सर्व राईस बॉल्स तयार करून घ्यावे. 

४) आता एका कढईत तेल गरम करून जीरे, मोहरी, कडीपत्ता, हिरवी मिरची फोडणीला टाकावे. 

५) कांदा गुलाबी रंगावर परतून घ्यावा. नंतर त्यामध्ये लिंबूचा रस घालून परतवून घ्यावे.

६) तयार राईस बॉल्स त्यामध्ये घालून परतवून घ्यावे, व वरतून बारीक चिरलेली कोथिंबीर घालून सर्व्ह करावे.

    मुलं तर मस्त गट्टम करतात हे स्टफ पोटॅटो राईस बॉल्स.